१९ जून १९६६. प्रबोधनकारांच्या प्रेरणेतून आणि बाळासाहेबांच्या विचारांतून उभी राहिली शिवसेना. शिवसेनेचा पहिला भव्यदिव्य मेळावा ३० ऑक्टोबर १९६६ रोजी विजयादशमीच्या शुभमुहूर्तावर झाला.

१९६७ साली मराठी माणसाच्या हक्कासाठी शिवसेनेने पहिला मोर्चा काढला.

२६ मार्च १९६८ रोजी मुंबई महानगरपालिकेच्या निवडणुकीतील १४० सदस्यांच्या सभागृहात ४२ जागा मिळतून शिवसेना प्रमुखविरोधी पक्ष बनला ९ ऑगस्ट १९६८ रोजी कामगार सेनेची स्थापना झाली आणि मराठी कामगारांना अन्यायाला वाचा फोडण्यासाठी हक्काचं व्यासपीठ मिळालं.

१९६९ साली सीमा प्रश्‍न आंदोलनाची तयारी शिवसेनेने सुरू केली.

१९७१ साली शिवसेनेची विराट जाहीर सभा झाली. १९७३ साली शिवसेनेचे कार्यकारी मंडळ जाहीर झाले.

१९७२ साली स्थानीय लोकाधिकार समितीची स्थापना झाली आणि शिवसनोप्रमुखांनी विधानसभा निवडणुकीचे धोरण जाहीर केले. १९७३च्या निवडणुकीत शिवसेनेचे ३९ नगरसेवक निवडून आले व वयाच्या ३२व्या वर्षी तरुण महापौर होण्याचा मान सुधीर जोशी यांना मिळाला.

लगेचच पुढे १९७४ ला स्थानीय लोकाधिकार समितीची महासंघ अशी घोषणा करण्यात आली.

१९७८ साली शिवशक्ती आणि भीमशक्तीचा नारा शिवसेनाप्रमुख बाळासाहेबांनी दिला.

१९८५ साली महाड अधिवेशनात साहेबांनी रणशिंग फुंकले. त्याचेच फलित जणू १९८६ साली बॉम्बेचे ‘मुंबई’ झाले.

२३ जानेवारी १९८९ साली मुखपत्र ‘सामना’ सुरू केलं आणि शिवसेनेचा आवाज जो बुलुंद होताच तो घराघरात पोहचला. १९८९ सालच्या साहेबांच्या मराठवाड्या दौऱ्यानंतर जनतेनेच साहेबांना हिंदुह्रिदयसम्राट ही पदवी दिली आणि त्याचवर्षी शिवसेनेला धनुष्य-बाण हे कायमस्वरूपी चिन्ह मिळणे हे आईभवानीचेच कल्पित.

१९९०च्या विधानसभेत ५२ आमदार आणून विरोधी पक्षनेता शिवसेनेचा बसला. आवाज खऱ्या अर्थाने बुलुंद झाला. १९९१ साली शिवसेनेने २५ वर्षे पूर्ण केली आणि विचारांची रेषा अधिकाधिक मजबूत होत गेली.

१९९५ साली महाराष्ट्रात शिवशाहीच्या सूर्याचा उदय झाला. मनोहर जोशी महाराष्ट्राचे मुख्यमंत्री म्हणून विराजमान झाले.

१९९६ साली शिवसेनेचे १५ खासदार दिल्लीत गेले.

१९९७ ला १०३ नगरसेवक शिवसेनेचे जिंकून आले आणि मुंबई महानगरपालिकेवर भगवा फडकला तो आजतागायत.

२००२ ह्या वर्षी मनोहर जोशी लोकसभा अध्यक्ष झाले.

२००३ साली महाबळेश्वर शिबिरात उद्धवसाहेबांची शिवसेनेचे कार्याध्यक्ष म्हणून निवड झाली.

२००५ साली शिवसेना भवनाच्या नवीन वास्तूचे उदघाटन साहेबांनी केले.

२०१० सालच्या दसरा मेळाव्यात युवा सेनेची घोषणा झाली आणि युवासेनेचे नेतृत्व आदित्य ठाकरेंना सोपवून शिवसेनाप्रमुखांनी ती दशमी विजयी केली. १ मे २०१० ला शिवसेनेने महाराष्ट्राचा सुवर्ण महोत्सव साजरा केला. महाराष्ट्राच्या जयजयकाराने आसमंत दुमदुमला.

२०१४ साली उद्धवजीच्या नेतृत्वाखाली शिवसेनेचे १९ खासदार संसदेत गेले व शिवसेनेने स्वबळावर ६३ आमदार निवडून आणले.

२०१५ साली शिवसेनेने सुवर्णमहोत्सवी वर्षात पदार्पण केलं आणि महाराष्ट्राच्या मातीने व इथल्या लोकांच्या प्रेमाने दिलेल्या बळाचे रूपांतर कार्याच्या यज्ञात झाले.